ორგანიზაცია: ოჯახი თუ სპორტული გუნდი

თანამედროვე ბიზნეს გარემოში აქტუალურია კითხვა, როგორი უნდა იყოს ორგანიზაციის კულტურა – ოჯახური თუ სპორტული გუნდის სტილი? Patty McCord-ის წიგნში "Powerful: Building a Culture of Freedom and Responsibility" Netflix-ის გამოცდილებაზე დაყრდნობით, წინა პლანზე გამოდის სპორტული გუნდის მოდელი, რომელიც არა სტაბილურობაზე, არამედ შესრულებაზეა ორიენტირებული. ეს მიდგომა საპირისპიროა ტრადიციული ოჯახური მოდელისა, რომელიც ძირითად აქცენტს თანამშრომლების ემოციურ კავშირზე, ერთიანობისა და დაცულობის განცდაზე აკეთებს.

McCord-ის აზრით, ოჯახის მსგავსად მოქმედი კომპანიები ზედმეტად აქცენტირებულნი არიან ერთგულებასა და თანამშრომლების თანადგომაზე, რაც არ უწყობს ხელს მკაფიო მიზნების შესრულებას. სპორტული გუნდის კონცეფცია კი ორგანიზაციაში ქმნის იმ კულტურას, სადაც თითოეულ თანამშრომელს ეკისრება პასუხისმგებლობა საუკეთესო შესრულებაზე. ამ მიდგომით, თითოეული თანამშრომელი მიისწრაფვის არა მხოლოდ საკუთარი როლის შენარჩუნებისთვის, არამედ ცდილობს საერთო მიზნის მისაღწევად მაქსიმალური წვლილი შეიტანოს სამუშაო პროცესში. Netflix-ის ფილოსოფია, რომელიც ხაზს უსვამს წარმატებისკენ სწრაფვასა და მაღალ ხარისხს, მოითხოვს, რომ ყველა წევრი მზად იყოს ცვლილებებისთვის და ამ ცვლილებების შესაბამისად შეინარჩუნოს პროდუქტიულობა. სპორტული გუნდის კონცეფცია ხაზს უსვამს თანამშრომელთა ინდივიდუალურ პასუხისმგებლობას და ეფექტურ შესრულებას.

კომპანია ”ჩემი ოფისი” ინარჩუნებს გაყიდვების გუნდში სპორტული გუნდის მიდგომას. თითოეული გუნდის წევრი არამხოლოდ საკუთარ როლში წარმატებასა და შესრულებაზეა ორიენტირებული, არამედ აქტიურად თანამშრომლობს სხვა დეპარტამენტებთან საერთო მიზნის მისაღწევად. ეს მიდგომა ქმნის კონკურენტულ გარემოს, სადაც გაყიდვების გუნდის წევრები მუდმივად მიისწრაფვიან უკეთესი შედეგების მისაღწევად, რაც საბოლოოდ ხელს უწყობს კომპანიის ზრდასა და ბაზარზე კონკურენტული უპირატესობის მოპოვებას.

როგორც McCord-ი განმარტავს, გუნდს სჭირდება საუკეთესო წევრების მუდმივი შერჩევა და მოზიდვა. ამ მიდგომით, თანამშრომლების მიზანია ორგანიზაციის საერთო წარმატებაში წვლილის შეტანა. სპორტული გუნდის მოდელი ითხოვს გამჭვირვალობას, გულწრფელ უკუკავშირსა და როლების მოქნილობას, რათა თანამშრომლებმა მუდმივად გააუმჯობესონ თავიანთი შედეგები.

წიგნი "Recruiting in the Age of Googlization" აძლიერებს ამ ხედვას. მასში განხილული საკითხების მიხედვით, თანამშრომლების არჩევა და შეფასება არ უნდა ემყარებოდეს ემოციურ ფაქტორებს, არამედ მონაცემებზე დაფუძნებულ კრიტერიუმებს. გუნდური შესრულების გასაზრდელად კომპანიებმა უნდა გამოიყენონ თანამედროვე ანალიტიკური ინსტრუმენტები, რომლებიც საშუალებას მისცემს მენეჯერებს ზუსტად განსაზღვრონ ის უნარები და პიროვნული თვისებები, რაც კონკრეტული როლებისთვისაა საჭირო.

ამასთან, სპორტული გუნდის მოდელის დანერგვა უზრუნველყოფს მოქნილობას სწრაფად ცვალებად ბიზნეს გარემოში. დღეს, სწორედ მუდმივი გაუმჯობესება და ინოვაცია ხდება წარმატების გარანტი. გუნდის წევრები აგრძელებენ განვითარებას, როგორც გუნდის ნაწილები, რაც აძლიერებს მათი როლების მოქნილობას და ორგანიზაციის წარმატებას.

სპორტული გუნდის კონცეფცია ქმნის შედეგებზე ორიენტირებულ გარემოს, სადაც ურთიერთობები დაფუძნებულია საერთო მიზანზე და თითოეული ადამიანის წვლილზე. Powerful-ში აღწერილი მიდგომა ასახავს იმ კულტურას, სადაც ორგანიზაციის წევრები მუდმივად მზად არიან გაზარდონ თავიანთი ეფექტურობა და ინდივიდუალური პასუხისმგებლობით მიიღონ მონაწილეობა საერთო წარმატებაში.